Придите ко мне, ибо иго моё — благо...
|
Слово
|
| Слово о полку Игореве |
Слово (Бог Слово) о полку Игореве
1.Почнемъ же, братие,
повесть сию от старого Владимира
до нынешнего Игоря,
иже истягнул ум крепостью своею
и поостри сердца своего мужеством,
2. Наполнился ратного духа,
навёл своя храбрые полки
на землю половецкую
за землю Русскую.
3. Начать же с той песни
по былинам сего времени,
а не по замышлению Бояню!
4. Боян бо вещий,
аще кому хотяше песнь творити,
то растекашется мыслию по древу,
серым волком по земли,
шизым орломъ под облакы.
5. Помняшет бо речь первых времен усобиц.
Тогда пущашет 10 соколов на стадо лебедей,
который дотечаше, та преди песнь пояше старому Ярославу,
храброму Мстиславу, иже заря заредела пред полки касожьскими,
красному Романови Святъславличю.
6. Боян же, братие, не 10 соколов на стадо лебедей пущаше,
но своя вещие персты на живая струны воскладаше,
они же сами князем славу рокотаху.
7. О Бояне, соловию старого времени!
Абы ты сии полки ущекотал, скача, славию, по мыслену древу,
летая умом под облакы, свивая славы оба полы сего времени,
рища в тропу Трояню чрес поля на горы!
8. Пети было песнь Игореви, того (Олга) внуку:
9. «Не буря соколы занесе чрес поля широкая –
галици стады бежат к Дону Великому».
10. Чи ли воспети было, вещей Бояне, велесовь внуче:
11. «Комони ржут за Сулою – звенит слава в Киеве!
Трубы трубят в Новеграде, стоять стязи в Путивле».
12. Не лепо ли ны бяшет, братие,
начати старыми словесы трудных повестей о полку Игореве,
Игоря Святъславлича?
13. «Хощу бо, – рече, – копие приломити конец поля Половецкаго, с вами,
русици, хощу главу свою приложити, а любо испити шеломом Дону»
14. Спала князю ум похоти, и жалость ему знамение заступи искусити Дону
Великаго.
15. Игорь ждет мила брата Всеволода.
И рече ему буй тур Всеволод:
16. «Одинъ братъ, одинъ светъ светлый – ты, Игорю! Оба есве
Святъславличя!
17. Седлай, брате, свои бръзыи комони,
18. а мои ти готови, оседлани у Курьска напереди
19. А мои ти куряни сведоми кмети: под трубами повити, под шеломы
възлелеяны, конець копия вскормлени;
20. пути им ведоми, яругы им знаеми, луци у них напряжени, тули отворени,
сабли изъострени.
21. Сами скачють, акы серыи волъци в поле, ищучи себе чти, а князю –
славы».
22. Тогда Игорь възре на светлое солнце и виде от него тьмою вся своя воя
прикрыты.
23. И рече Игорь к дружине своей:
24. «Братие и дружино! Луце ж бы потяту быти, неже полным ену быти,
25. а всядем, братие, на свои борзыя комони да позрим синего Дону»
26. Тогда въступи Игорь князь в злат стремень и поеха по чистому полю.
27. Солнце ему тъмою путь заступаше,
28. нощь стонущи ему грозою птичь убуди, свист зверинъ встазби
29. Див кличетъ вверху древа, велит послушати земли незнаеме, в Олъзе, и
Поморию, и Посулию, и Сурожу, и Корсуню, и тебе, Тьмутораканьскый
Болван.
30. С зарания в пяток потопташа поганыя пОлкы половецкыя, и рассушясь
стрелами по полю, помчаша красныя девкы половецкыя, а с ними злато, и
паволокы, и драгыя оксамиты.
31. Орьтмами, и япончицами, и кожухы начашя мосты мостити по болотом и
грязивым местом, и всякыми узорочьи половецкыми.
32. Черлен стяг, бела хорюговь, чрьлена чолка, сребрено стружие – храброму
Святьславличу!
33. А половци неготовами дорогами побегоша к Дону Великому. Крычат
телегы полунощы, рци, лебеди роспущени. Игорь к Дону вои ведет.
34. Уже бо беды его пасет птиць по дубию, волци грозу въсрожатъ по яругам,
орли клектом на кости звери зовут, лисици брешут на черленыя щиты.
35. О Руская земле! Уже зашеломянем еси!
37. Заря свет запала, мгла поля покрыла,
38. щекот савий успе, говор галичь убуди.
39. Русичи великая поля чрьлеными щиты прегородиша, ищучи себе чти, а
князю – славы.
40. Дремлет в поле Ольгово хороброе гнездо. Далече залетело!
41. Не было оно обиде порождено ни соколу, ни кречету, ни тебе, чёрный
ворон, поганый половчине!
42. Гзак бежит серым волком, Кончак ему след править к Дону Великому.
43. Другаго дни велми рано кровавыя зори свет поведают,
44. чёрныя тучя с моря идут, хотят прикрыти 4 солнца, а в них трепещуть
сильные молнии.
45. Быти грому великому, итти дождю стрелами с Дону Великаго!
46. Туся копием приламати, туся саблям потручяти о шеломы половецкыя, на
реце на Каяле, у Дону Великаго.
47. О Руская земле! Уже зашеломянемъ еси!
48. Се ветри, Стрибожи внуци, веют с моря стрелами на храбрыя полкы
Игоревы.
49. Земля тутнет, рекы мутно текуть, пороси поля прикрывают,
50. стязи глаголют: половци идут от Дона и от моря,
51. и от всех стран. Рускыя полкы отступиша.
52. Дети бесови кликом поля прегородиша, а храбрии русици преградиша
черлеными щиты.
53. Яртуре Всеволоде! Стоиши на борони, прыщеши на вои стрелами,
гремлеши о шеломы мечи харалужными.
54. Камо, тур, поскочяше, своим златым шеломом посвечивая, тамо лежат
поганыя головы половецкыя,
55. поскепаны саблями калеными шеломы оварьскыя от тебе, яртуре
Всеволоде!
56. Кая раны дорога, братие, забыв чти и живота, и града Чернигова отня
злата стола, и своя милыя хоти, красныя Глебовны, свычая и обычая!
57. Были вечи Трояни, минула лета Ярославля, были полци Олговы, Ольга
Святьславличя.
58. Той бо Олегъ мечем крамолу коваше и стрелы по земли сеяше.
59. Ступает в злат стремень в граде Тьмуторокане.
60. Тот же звон слыша давный великый Ярославль
61. А сын Всеволожь Владимир по вся утра уши закладаше в Чернигове.
62. Бориса же Вячеславлича слава на суд приведе, и на канину зелену
паполому постала за обиду Олгову, храбра и млада князя.
63. С тоя же Каялы Святополкь повелея отца своего междю угорьскими
иноходьцы ко святой Софии к Киеву.
64. Тогда при Олзе Гориславличи сеяшется и растяшеть усобицами,
погибашеть жизнь Даждь-Божа внука, в княжих крамолах веци человекомь
скратишась.
65. Тогда по Руской земли ретко ратаеве кикахуть, но часто врани граяхуть,
трупиа себе деляче, а галици свою речь говоряхуть, хотять полетети на уедие.
66. То было в ты рати и в ты полкы, а сицей рати не слышано! С зараниа до
вечера, с вечера до света летят стрелы каленыя, гримлют сабли о шеломы,
трещат копиа харалужныя
67. в поле незнаеме среди земли половецкыи. Черна земля под копыты
костьми была посеяна, а кровию польяна; тугою взыдоша по Руской земли!
68. Что ми шумить, что ми звенить
69. давечя рано пред зорями? Игорь полкы заворочает, жаль бо ему мила
брата Всеволода.
70. Бишася день, бишася другый, третьяго дни к полуднию падоша стязи
Игоревы.
71. Ту ся брата разлучиста на брезе быстрой Каялы;
72. ту кроваваго вина не доста,
73. ту пир докончаша храбрии русичи: сваты попоиша, а сами полегоша за
землю Рускую.
74. Ничить трава жалощами, а древо с тугою к земли преклонилось.
75. Уже бо, братие, не веселая година встала, уже пустыни силу прикрыла.
76. Встала обида в силахъ Дажьбожа внука, вступила девою на землю
Трояню, всплескала лебедиными крылы на синем море у Дону, плещучи,
убуди жирня времена.
77. Усобица князем на поганыя погыбе, рекоста бо братъ брату: «Се мое, а то
мое же». И начяша князи про малое «се великое» молвити, и сами на себя
крамолу ковати,
78. а погании с всех стран прихождаху с победами на землю Рускую.
79. О, далече заиде сокол, птиць бья, – к морю.
80. А Игорева храбраго полку не кресити!
81. За ним кликну Карна и Жля, поскочи по Руской земли, смагу мычючи в
пламяни розе.
82. Жены руския всплакашась, аркучи:
83. «Уже нам своих милых лад ни мыслию смыслити, ни думою сдумати, ни
очима съглядати, а злата и сребра ни мало того потрепати!».
84. А встона бо, братие, Киев тугою, а Чернигов напастьми.
85. Тоска разлияся по Руской земли, печаль жирна тече средь земли Рускыи.
86. А князи сами на себе крамолу коваху,
87. а погании сами, победами нарищуще на Рускую землю, емляху дань
поболе от двора.
88. Тии бо два храбрая Святъславлича, Игорь и Всеволод, уже лжу убуди,
которую то бяше успил отец ихъ Святъславь грозный великый киевскый,
грозою бяшет притрепетал.
89. своими сильными полкы и харалужными мечи; наступи на землю
половецкую, притопта холми и яругы, взмути реки и озеры, иссуши потоки и
болота. А поганаго Кобяка из луку моря, от железных великих полков
половецких, яко вихр, выторже. И падеся Кобяк в граде Киеве, в гриднице
Святъславли.
90. Ту немци и венедици, ту греци и морава поют славу Святъславлю, кають
князя Игоря, иже погрузи жир во дне Каялы, рекы половецкия, рускаго злата
насыпаша.
91. Ту Игорь князь выседе из седла злата, а в седло кощеево.
92. Уныша бо градом забралы, а веселие пониче.
93. А Святъславь мутен сонъ виде в Киеве на горах.
94. «Си ночь с вечера одвахуть Мя, – рече, – черною паполомою на кроваты
тисове,
95. черпахуть ми синее вино с трудомь смешено,
96. сыпахуть ми тыщими тулы поганых тльковин великый женчюг на лоно,
97. и негуют мя. Уже дьскы безъ кнеса в моемъ тереме златовръсем.
98. Всю нощь с вечера босуви врани взграяху
99. у Плесньска на болони, беша дебрь Кианю и несошлю к синему морю.
100. И ркоша бояре князю:
101. «Уже, княже, туга умь полонила.
102. Се бо два сокола слетеста с отня стола злата поискати града
Тьмутороканя, а любо испити шеломомь Дону. Уже соколома крильца
припешали поганых саблями, а Самаю опустоша в путины железны.
103. Темно бо в 3 день: два солнца померкоста, оба багряная столпа
погасоста и с нима молодая месяца, Олег и Святъслав, тъмою ся поволокоста.
104. На реце на Каяле тьма свет покрыла:
105. по Руской земли прострошася половци, аки пардуже гнездо, и в море
погрузиста, и великое буйство подасть хинови.
106. Уже снесеся хула на хвалу,
107. уже тресну нужда на волю,
108. уже врежеса дивь на землю.
109. Се Боготския красныя девы въспеша на брезе синему морю, звоня
рускым златом, поют время бусово, лелеютъ месть Шароканю.
110. А мы уже, дружина, жадни веселия.
111. Тогда великий Святслав изрони злато слово, слезами смешено, и рече:
112. «О, моя сыновчя, Игорю и Всеволоде! Рано еста начала Половецкую
землю мечи цвелити, а себе славы искати. Но нечестно одолесте, нечестно бо
кровь поганую пролиясте.
113. Ваю храбрая сердца в жестоцем харалузе скована, а в буести закалена.
114. Се ли створисте моей сребреней седине!
115. А уже не вижду власти сильнаго, и богатаго, и многовои брата моего
Ярослава, с черниговьскими былями, с могуты, и с татраны, и с шельбиры, и
с топчакы, и с ревугы, и с ольберы. Тии бо бес щитовь, с засапожникы,
клинком полкы побеждаютъ, звонячи в прадеднюю славу.
116. Но рекосте: «Мужаемеся сами: преднюю славу сами похитим, а заднюю
ся сами поделим».
117. А чи диво ся, братие, стару помолодити?
118. Коли сокол въ мытех бывает, высоко птиц възбивает, не даст гнезда
своего в обиду.
119. Но се зло – княже ми непособие,
120. наниче ся годины обратиша.
121. Се у Рим кричат под саблями половецкыми, а Володимир под ранами.
122. Туга и тоска сыну Глебову!».
123. Великий княже Всеволоде! Не мыслию ти прелетети издалеча, отня
злата стола поблюсти?
124. Ты бо можеши Волгу веслы раскропити, а Донъ шеломы выльяти.
125. Аже бы ты был, то была бы чага по ногате, а кощей порезане.
126. Ты бо можеши посуху живыми шереширы стреляти – удалы мы сыны
Глебовы.
127. Ты, буй Рюриче, и Давыде! Не ваю ли злачеными шеломы по крови
плаваша?
128. Не ваю ли храбрая дружина рыкают акы тури, ранены саблями
калеными, на поле незнаеме?
129. Вступита, господина, в злата стремень за обиду сего времени, за землю
Русскую, за раны Игоревы, буего Святславлича!
130. Галичкы Осмомысле Ярославе! Высоко седиши на своем
златокованномъ столе, подпер горы Угорскыи свои железными полъки,
заступив королеви путь, затворив Дунаю ворота, меча бремены чрез облаки,
суды рядя до Дуная.
131. Грозы твоя по землям текут, отворяеши Киеву врата, стреляеши с отня
злата стола салтани за землями.
132. Стреляй, господине, Кончака, поганого кощея, за землю Рускую, за раны
Игоревы, буего Святславлича!
133. А ты, буй Романе, и Мстиславе! Храбрая мысль носит ваш ум на дело.
134. Высоко плаваеши на дело в буести, яко сокол на ветрех ширяяся, хотя
птицю в буйстве одолети.
135. Суть бо у ваю железныи папобрци под шеломы латинскими. Теми
тресну земля, и многи страны – хинова, литва, ятвязи, деремела и половци –
сулици своя поврегоша, а главы своя поклониша подъ тыи мечи харалужныи.
136. Но уже, княже, Игорю утрпе солнцю светъ, а древо не бологомъ листвие
срони:
137. по Роси и по Сули гради поделиша. А Игорева храбраго полку не
кресити!
138. Дон ти, княже, кличет и зоветь князи на победу.
139. Олговичи, храбрыи князи, доспели на брань.
140. Ингварь и Всеволод, и вси три Мстиславичи, не худа гнезда
шестокрилци! Не победными жребии собе власти расхытисте!
141. Кое ваши златыи шеломы и сулицы ляцкии и щиты?
142. Загородите полю ворота своими острыми стрелами, за землю Русскую,
за раны Игоревы, буего Святъславлича!
143. Уже бо Сула не течет сребреными струями к граду Переяславлю, и
Двина болотом течет оным грозным полочаном под кликом поганых.
144. Един же Изяслав, сын Васильков, позвони своими острыми мечи о
шеломы литовския, притрепа славу деду своему Всеславу, а сам под
черлеными щиты на кроваве траве притрепан литовскыми мечи. И схоти ю
на кровать
146. «Дружину твою, княже, птиць крилы приоде, а звери кровь полизаша».
147. Не бысь ту брата Брячяслава, ни другаго – Всеволода, един же изрони
жемчюжну душу из храбра тела чрес злато ожерелие.
148. Унылы голоси, пониче веселие. Трубы трубят городеньскии.
149. Ярославе и вси внуце Всеславли! Уже понизите стязи свои, вонзите свои
мечи вережени,
150. уже бо выскочисте из дедней славе.
151. Вы бо своими крамолами начясте наводити поганыя на землю Рускую,
на жизнь Всеславлю,
152. которое бо беше насилие от земли Половецкыи!
153. На седьмом веце Трояни връже Всеслав жребий одевицю себе любу.
154. Тъй клюками подпрся о кони, и скочи к граду Кыеву, и дотчеся
стружием злата стола киевскаго.
155. Скочи от них лютым зверем в полночи из белаграда, обесися сине мьгле,
156. утре же воззни стрикусы, отвори врата Новуграду, разшибе славу
Ярославу,
157. скочи волком до Немиги с дудуток. На Немизе снопы стелют головами,
молотят чепи харалужными, на тоце живот кладут, веют душу от тела.
158. Немизе кровави брезе не бологом бяхуть посеяни, посеяни костьми
руских сынов.
159. Всеслав князь людем судяше, князем грады рядяше, а сам в ночь волком
рыскаше: изъ Кыева дорискаше до кур Тмутороканя, великому Хрисови
волком путь прерыскаше.
160. Тому в Полотске позвониша заутренюю рано у святыя Софеи в
колоколы, а он в Кыеве звон слыша.
161. Аще и веща душа в друзе теле, но часто беды страдаше.
162. Тому вещей Боян и пръвое припевку, смысленый, рече:
163. «Ни хытру, ни горазду, ни птицю горазду суда Божиа не минути!».
164. О, стонати Руской земли, помянувше первую годину и первых князей!
165. Того стараго Владимира нельзе бе пригвоздити к горам киевским;
166. сего бо ныне сташа стязи Рюриковы, а друзии – Давыдовы, но розно ся
им хоботы пашут.
168. На Дунаи Ярославнын глас слышит, зегзицею незнаемь рано кычеть.
169. «Полечю, – рече, – зегзицею по Дунаеви,
170. омочю бебрян рукав въ Каяле реце,
171. утру князю кровавыя его раны на жестоцем его теле».
172. Ярославна рано плачет в Путивле на забрале, аркучи:
173. «О, ветро ветрило! Чему, господине, насильно вееши?
174. Чему мычеши хиновьскыя стрелкы на своею нетрудною крилцю на моея
лады вои?
175. Мало ли ти бяшет горе подъ облакы веяти, лелеючи корабли на сине
море?
176. Чему, господине, мое веселте по ковылию развея?».
177. Ярославна рано плачет Путивлю городу на забороле, аркучи:
178. «О, Днепре Словутицю! Ты пробил еси каменныя горы сквозе землю
Половецкую.
179. Ты лелеял еси на себе Святославли носады до полку Кобякова.
180. Възлелей, господине, мою ладу к мне, а бых не слала к нему слез на
море рано».
181. Ярославна рано плачет в Путивле на забрале, аркучи:
182. «Светлое и тресветлое солнце! Всем тепло и красно еси!
183. Чему, господине, простре горячюю свою лучю на ладе вои? В поле
безводне жаждею имь лучи сопряже, тугою им тули затче».
184. Прысну море полунощи, идут сморци мглами. Игореви князю Бог путь
кажет из земли половецкой на землю Рускую, к отню злату столу.
185. Погасоша вечеру зари. Игорь спит, Игорь бдит, Игорь мыслию поля
мерит от Великаго Дону до малаго Донца.
186. Комонь в полуночи Овлур, свисну за рекою – велить князю разумети:
князю Игорю не быть!
187. Кликну, стукну земля, в шуме трава, вежи ся половецкии подвизашася.
188. А Игорь князь поскочи горнастаемъ к тростию и белымъ гоголемъ на
воду,
189. в връжеся на борз комонь и скочи с него босым волком,
190. и потече к лугу Донца, и полете соколом под мьглами, избивая гуси и
лебеди завтроку, и обеду, и ужине.
191. Коли Игорь соколом полете, тогда Влур валиком потече, труся собою
студеную росу: претргоста бо своя борзая комоня.
193. «Княже Игорю! Не мало ти величия, а кончаку нелюбия, а Руской земли
веселиа!».
195. «О, Донче! Не мало ти величия, лелеявшу князя на волнах, стлавшу ему
зелену траву на своих сребреных брезех, одевавшу его теплыми мъглами
подъ сению зелену древу,
196. стрежаше его гоголем на вод, чайцами на струях, черьнядьми на ветрех».
197. Не тако ли, рече, река Стугна: худу струю имея, пожреши чужи ручьи и
стругы рострена к устьу, уношу князю Ростиславу затвори Днепрь темне
березе.
198. Плачется мати Ростиславля по уноши князи Ростиславе.
199. Уныша цветы жалобою, и древо с тугою к земли преклонило.
200. А не сорокы втроскоташа – на следу Игореве ездит Гзакъ с Кончаком.
201. Тогда врани не граахуть, галици помлъкоша, сорокы не троскоташа,
202. полозию ползоша только. Дятлове тектом путь к реце кажут, соловии
веселыми песьми свет поведают.
203. Молвит Гзакъ Кончакови:
204. «Аже сокол ъ гнезду летит, соколича ростреляеве своими злачеными
стрелами».
206. «Аже сокол к гнезду летит, а в соколца опутаеве красною дивицею».
207. И рече Гзак к Кончакови:
208. «Аще его опутаев красною девицею, ни нама будет сокольца, ни нама
красны девице, то почнут наю птици бити в пол Половецком».
209. Рек Боян их оды на Святъславля пестворца стараго времени Ярославля
Ольгова коганя хоти:
210. «Тяжко ти головы кроме плечю, зло ти телу кроме головы», Руской
земли без Игоря!
211. Солнце светится на небесе – Игорь князь в Руской земли.
212. Девици поют на Дунаи, вьются голоси чрез море до Киева.
213. Игорь едет по Боричеву к святой Богородици Пирогощей.
214. Страны ради, гради весели.
215. Певше песнь старым князем, а потом молодым пети!
216. Слава Игорю Святъславличю, буй туру Всеволоду, Владимиру
Игоревичу!
217. Здрави, князи и дружина, побарая за христьяны на поганыя полки!
218. Князем слава а дружине! Аминь.
☆ В качестве эпиграфа взяты строки из Евангелие Фм.5,94
«Иисус сказал: Познай то, что (или того, кто) перед Лицом твоим, и то, что скрыто (или тот, кто скрыт) от тебя, — откроется тебе. Ибо нет ничего тайного, что не будет явным»
«Иисус сказал: Придите ко мне, ибо иго моё — благо и власть моя кротка, и вы найдёте покой себе»